Հումբոլդտի համալսարանի ուսանողները մերկացել են էրոտիկ օրացույցում նկարահանվելու համար, որպեսզի բարելավեն իրենց ուսման պայմանները: Այս մասին հաղորդում է Bild-ը:
Օրացույցների վաճառքից ստացված գումարներով դասախոսներին աշխատավարձ կտրվի, ինչը հիմա չի կարող իրեն թույլ տալ համալսարանը: Մեկ օրացույցի արժեքը կազմում է 39,90 եվրո:
Ակցիան կազմակերպել են ֆիզկուլտուրայի ֆակուլտետի ուսանողները: Նրանցից 24-ը մասնակցել է նկարահանումների` ցուցադրելով իր մարզաձևը:
Ակցիայի մասնակիցներից մեկը պարզաբանել է, որ համալսարանին չեն բավարարում դասախոսները, որոնք կարող էին լրացուցիչ պարապմունքներ իրականացնել ուսանողների համար: Արդյունքում դասախոսություններին ու սեմինարներին կարող են մասնակցել բոլորը: Դասընթացները սովորաբար լեփ- լեցուն լսարաններում են ընթանում, և պրոֆեսորները բոլորի համար ժամանակ չունեն:
Նման պայմաններում ուսանողների միայն 20%-ն է տարվա ընթացքում ստանում բակալավրի դիպլոմ, մյուսները ստիպված են լինում 1-1,5 տարի ավել սովորել: