Google ընկերությունը թողարկել է Chrome 21 բրաուզերը: Այս մասին ասվում է ընկերության պաշտոնական բլոգում:
Նոր բրաուզերում վեբ հավելվածները օգտատիրոջ ցանկությամբ կարող են կցվել բարձրախոսին և վեբ տեսախցիկին: Flash և Silverlight ծրագրային մոդուլներ այլևս չեն պահանջվի:
Նմանօրինակ ֆունկցիա է պատրաստվում իր Firefox բրաուզերում ներդնել նաև Mozilla ընկերությունը:
Chrome 21-ում հայտնվել է բարձ խտությամբ էկրանների աշխատանքի ապահովման տեխնոլոգիա: Դա հարմարավետ աշխատանք կապահովի Retina դիսփլեյով նոր Macbook-երի տերերի համար: Նախկինում բարձր խտությամբ (2880 ×1800) էկրանների աշխատանքն ապահովում էր միայն Apple-ի սեփական բրաուզերը՝ Safari-ն:
Chrome բրաուզերի նախորդ տարբերակը թողարկվել է հունիսի 26-ին: StatCounter ծառայության տվյալներով՝ Chrome-ին բաժին է ընկնում բրաուզերների շուկայի 33,8 տոկոսը: Այն զբաղեցնում է առաջին տեղը՝ որպես ամենահայտնի բրաուզեր:
