Ադրբեջանական APA լրատվական գործակալության փոխանցմամբ՝ Ադրբեջանի պաշտպանության նախարարությունը հաստատել է, որ հայ-ադրբեջանական շփման գծում ադրբեջանցի շարքային զինծառայող Ֆարաջև Ֆիրուզ Միրզաօղլուն գերի է ընկել:
Նախարարության մամլո ծառայության պնդմամբ՝ 1992 թվականին ծնված զինծառայողը «պատահաբար» գերի է ընկել Թովուզի շրջանում:
Հիշեցնենք, որ ՀՀ ՊՆ լրատվական ծառայությունը հայտնել էր, որ հուլիսի 26-ին` ժամը 06.00-ի սահմաններում, հայ-ադրբեջանական սահմանագծի հյուսիսարևելյան հատվածում, հատելով ՀՀ պետական սահմանըʽ հայ դիրքապահներին է հանձնվել Ադրբեջանի Հանրապետության քաղաքացի, զինծառայող Ֆիրուզ Ֆարազովը: Սահմանախախտը ձերբակալվել է, կատարվում է հետաքննություն:
