Աֆղանստանի հակակոռուպցիոն տրիբունալը 20 տարվա ազատազրկման է դատապարտել խոշոր պետական բանկի` «Պաշտանի»-ի նախկին ղեկավար Այատուլա Դայանիին և նրա 3 մեղսակիցներին: Թոփ մենեջերին մեղավոր են ճանաչել 26 միլիոն դոլարի յուրացման մեջ: Այս մասին հաղորդում է RBK-ն:
Հանցագործը ապօրինի կերպով մի հաշվեհամարից հանել է 14 միլիոն, ևս մեկից` 12 միլիոն դոլար: Չի հաղորդվում, թե ում է թալանել Դայանին:
Բանկի ղեկավարին աջակցություն են ցուցաբերել Աֆղանստանի քաղաքների զարգացման նախարարության «կեղտոտ ձեռքերով» 3 աշխատակիցներ: Նրանց անունները չեն հաղորդվում, միայն հայտնի է, որ մինչ դատական գործընթացը նրանք լքել են երկիրը:
Կոռուպցիայի այս դեպքը առաջինը չէ, որ պաշտոնապես ճանաչվել է Աֆղանստանի իշխանությունների կողմից: Մեկ տարի առաջ` 2011-ի հունիսին, բանտարկության էր դատապարտվել մեկ այլ վարկային կազմակերպության` «Քաբուլ-բանկ»-ի ղեկավար Աբդուլ Կադիր Ֆիտրատը: Չնայած դատավճռին` հանցագործին հաջողվեց խուսափել պատժից: Նա փախավ ԱՄՆ: Նրան արտահանձնելու Քաբուլի կոչերը` ուղղված Վաշինգտոնին դեռևս արդյունք չեն տվել:
