РИА Новости-ի փոխանցմամբ՝ ԵՄ-ի դիվանագիտության ղեկավար Քեթրին Էշթոնն Իրանի միջուկային ծրագրի շուրջ բանակցությունների արդյունքները քննարկելու է Իրանի Ազգային անվտանգության բարձրագույն խորհրդի քարտուղար Սայիդ Ջալիլիի հետ: Այս մասին հայտնել է Էշթոնի մամլո ծառայությունը:
Մոսկովյան հանդիպման ժամանակ Իրանի ու «Վեցյակի» միջև ձեռքբերված պայմանավորվածության համաձայն՝ վաղը Ստամբուլում միմյանց են հանդիպելու Էշթոնի ներկայացուցիչ Հելգա Շմիդտը և Ջալիլիի տեղակալ Ալի Բաղերին: Նրանց հանդիպումը համաձայնեցվել է հուլիսի 3-ին Ստամբուլում Իրանի ու «Վեցյակի» միջև փորձագետների մակարդակով անցկացված հանդիպման ժամանակ:
Էշթոնն ու Ջալիլին քննարկելու են ստամբուլյան հանդիպման արդյունքները:
