Վրաստանի վարչապետ Նիկա Գիլաուրին հայտարարել է, որ Ադրբեջանի հետ բանակցություններ են ընթանում երկրի տարածքում նավթավերամշակման գործարանի կառուցման շուրջ:
Արդեն ստեղծվում է հատուկ ներդրումային հիմնադրամ, որը պետք է ֆինանսավորի խոշոր տնտեսական ծրագրերը, այդ թվում` նշված գործարանի շինարարությունը, հաղորդում է Trend-ը:
Վարչապետը շեշտել է, որ մասնավոր սեկտորի համար չափազանց դժվար է նման նախագծեր իրականացնել:
Վերջերս Վրաստանի էներգետիկայի նախարար Ալեքսանդր Խետագուրին տեղեկացրել էր, որ անցած տարի կառավարությունը նավթավերամշակման կառուցման մրցույթ էր հայտարարել և հաղթողի հետ մինչ այս ամսվա վերջը պայմանագիր է ստորագրվելու: