Իրանական IRNA լրատվական գործակալության փոխանցմամբ՝ վաղը տեղի է ունենալու Իրանի խորհրդարանի ազգային անվտանգության ու արտաքին քաղաքականության հանձնաժողովի նիստը՝ նվիրված Մյանմարում տիրող իրավիճակին:
Այս մասին հայտարարել է հանձնաժողովի անդամ Իսմայիլ Կոսերին: Վերջինիս խոսքերով՝ ակնկալվում է, որ հանձնաժողովի վաղվա նիստին ներկա է գտնվելու Իրանի արտգործնախարար Ալի Աքբար Սալեհին:
Կոսերին կտրուկ քննադատել է Մյանմարում բռնությունների էսկալացիան՝ ընդգծելով, որ այդ երկրի մուսուլման բնակչության սպանդը մարդու իրավունքների ու նորմերի կոպիտ ոտնահարում է ու անմարդկային ակտ: Նա հավելել է, որ այդ նիստի ընթացքում կընդունվեն մի շարք որոշումներ՝ Մյանմարում բռնությանը վերջ դնելու վերաբերյալ:
Ըստ Կոսերիի՝ Իրանը ՄԱԿ-ից ու միջազգային հանրությունից պահանջում է կանխել Մյանմարի սպանդը:
