Այսօր առավոտյան 4,4 մագնիտուդ ուժգնությամբ երկրաշարժ է տեղի ունեցել ճապոնական «Ֆուկուսիմա-1» ատոմակայանի մոտակայքում: Այս մասին հաղորդում է Itar-Tass-ը:
Ազգային օդերևութաբանական գործակալության փոխանցմամբ` ստորգետնյա ցնցման էպիկենտրոնը գտնվել է Ֆուկուսիմա պրեֆեկտուրայի արևելքում, օջախը եղել է 20 կմ խորության վրա: Տուժածների ու ավերածությունների մասին չի հաղորդվում, ցունամիի վտանգի մասին հայտարարություն չի արվել:
Ատոմակայանը շահագործող TEPCO (Tokio Electric Powers) ընկերությունը հաղորդել է, որ երկրաշարժի հետևանքով կայանը չի տուժել:
