CNN Türk-ի փոխանցմամբ՝ ակնկալվում է, որ Սիրիայից Թուրքիա ժամանած փախստականները կստանան մի շարք արտոնություններ, այդ թվում՝ նաև ամսական որոշակի սուբսիդիաներ:
Երեկ Թուրքիա է ժամանել ևս 268 փախստական, որոնց թվում՝ 2 գնդապետ ու 3 ավագ լեյտենանտ: Փախստականների մեջ կան նաև վիրավորներ, որոնց ուղարկել են Ռեյհանլըի հիվանդանոց:
Հիշեցնենք, որ 3 օր առաջվա դրությամբ Թուրքիայում էր գտնվում 42,682 սիրիացի փախստական, որոնց տեղավորել են վրանային 9 և տնակային 1 քաղաքում: Դրանցից 5-ը գտնվում են Հաթայում, 2-ը՝ Շանլըուրֆայում, 2-ը՝ Քիլիսում, 1-ը՝ Գազիայնթեփում: 2011 թվականի ապրիլից սկսած՝ Թուրքիա են ժամանել 67,769 սիրիացի փախստականներ: Նրանցից 25,087-ը վերադարձել են Սիրիա, արդյունքում՝ Թուրքիայում մնացել է 42,682 սիրիացի փախստական:
