Ամերիկացի 24-ամյա Ջեյմս Հոլմսը, որին կասկածում են Կոլորադո նահանգի կինոթատրոնում հանդիսականների վրա կրակ բացելու մեջ, վերջին երկու ամիսներին զենք և զինամթերք է ունեցել, ըստ որում` օրինական: Այս մասին հաղորդում է Reuters-ը` հղում անելով Ավրորա քաղաքի ոստիկանապետ Դեն Օութսի հայտարարությանը:
Ոստիկանապետի խոսքով` Հոլմսի մոտ եղել է 4 միավոր զենք և շուրջ 6000 միավոր զինամթերք: Պաշտոնական տվյալներով` միջադեպի հետևանքով 58 տուժածներից 30-ը գտնվում են հիվանդանոցում: Նրանցից 11-ի վիճակը ծայրահեղ ծանր է: Օութսի խոսքով` Հոլմսը կինոթատրոնին մոտեցել է սեփական ավտոմեքենայով, որը կայանել է պահուստային մուտքի մոտ:
Հանցագործության իրականացման պահին նա եղել է լավ զինված է և եղել է զրահաբաճկոնով: Ձերբակալման պահին ոստիկանները նրանից առգրավել են ինքնաձիգը, որսորդական հրացանն ու ատրճանակը: Ոստիկանությունը հակված է կարծելու, որ նա միայնակ է գործել: Դեռևս հայտնի չէ, թե ինչն է ստիպել Հոլմսին նման քայլի դիմել:
