Վանաձորի գործող քաղաքապետ ՀՀԿ-ական Սամվել Դարբինյանը «ՀԺ»-ին ասել է, որ առաջադրվելու է սեպտեմբերի 9-ին կայանալիք Վանաձորի քաղաքապետի ընտրություններում:
«Մինչ այդ տեղեկություններ կային, որ Դարբինյանը փորձելու է իր որդուն դարձնել Վանաձորի քաղաքապետ: Երեկ, երբ մեր թղթակիցը հարցրել է դրա մասին, նա պատասխանել Է. «Չէ, նման բաներ չկան, ես եմ դնում, չգիտեմ՝ ովքեր եմ այդ չար կատակներն անում, թող իրենց մնան այդ չար կատակները: Ես միանշանակ առաջադրվելու եմ»:
Դարբինյանն այդ պաշտոնում, փաստորեն, առաջադրվում է արդեն 5-րդ անգամ: Ի դեպ Վանաձորի քաղաքապետի պաշտոնում առաջադրվելու մասին հայտարարել է նաև փաստաբան Կարեն Թումանյանը, որը Վանաձորից ընտրված անկախ պատգամավոր Էդմոն Մարուքյանի մերձավորներից է: Նրան, սակայն, գործող քաղաքապետը, ինչպես երեկ ինքն ասաց, լուրջ մրցակից չի համարում»,- հավելում է թերթը: