Սիրիական ծագում ունեցող ԱՄՆ-ի քաղաքացի Մուհամեդ Սուեյդը մեկ ու կես տարի կանցկացնի ամերիկյան կալանավայրում Սիրիայի կառավարության համար լրտեսական աշխատանքներ կատարելու համար: Այդպիսի որոշում այսօր ընդունեց Ալեքսանդրյա քաղաքի (Վիրջինյա նահանգ) դաշնային տեղական դատարանը:
Նախորդ տարում ազատ արձակվելուց հետո Սուեյդը պայամանագիր էր կնքել կառավարության հետ և իրեն մեղավոր էր ճանաչել. ապրելով ԱՄՆ-ում` լրտեսել էր սիրիական այլախոհների համար, սիրական հատուկ ծառայություններին տեղեկություններ, այդ թվում՝ տեսանյութեր էր տվել ամերիկացիների մասին: Ամերիկյան օրինապահների տվյալների համաձայն՝ նա նույնիսկ իր ջանքերի համար պարգևատրում էր ստացել Դամասկոսի նախագահ Բաշար Ասադի կողմից:
Սուեյդի դատապաշտպանը լրագրողներին հայտնել է, որ բավարարված է դատարանի որոշմամբ և այն համարում է արդարացի: Կառավարության մեղադրող կողմը խնդրել է նրան դատապարտել վեց տարվա ազատազրկման:
