Վիսենտե Դել Բոսկեն վերջերս հայտարաել է, որ Բրազիլիայում կայանալիք 2014 թվականի աշխարհի առաջնությունից հետո կլքի Իսպանիայի ազգային ընտրանու գլխավոր մարզչի պաշտոնը, սակայն չի ավարտի իր մարզչական կարիերան: Մասնագետը նշել է նաև, որ չի պատրաստվում վերադառնալ Մադրիդ:
«Ես հեռացել եմ Մադրիդից 9 տարի առաջ և չեմ պատրաստվում վերադառնալ: Ինչ վերաբերում է քննադատներին, ովքեր կածրում են, որ Իսպանիան ձանձրալի ֆուտբոլ է ցուցադրում, ապա ես միայն կասեմ, որ մենք հաղթել ենք «Եվրո-2008»-ում, Մունդիալ-2010-ում, ինչպես նաև բավականին վերջերս «Եվրո-2012»-ում:
Ֆուտբոլում կարևորը հույզերն են, ոչ թե գումարները: Իսպանիայի հավաքականը բոլոր տիտղոսները նվաճել է ոչ միայն շնորհիվ իր տեխնիկայի, այլև հույզերի: Այս 4-ամյա շրջապտույտն անմոռանալի է մեր երկրի համար, որը մեծ երջանկություն ապրեց` չնայած համաշխարհային տնտեսական ճգնաժամին»,- նշել է մասնագետը:
