Ժամը 11-ին, ՀՀ ոստիկանությունում կմեկնարկի ՀՀ ոստիկանության կոլեգիայի նիստը:
Այս մասին «Առաջին լրատվական»-ին տեղեկացրեցին ՀՀ ոստիկանության հասարակայնության հետ կապի և լրատվության վարչությունից։ Միաժամանակ ասացին, որ այս պահին չեն կարող ասել՝ ՀՀ նախագահ Սերժ Սարգսյանը կմասնակցի՞ նիստին, թե՞ ոչ:
«Քննարկվելու են 2012 թվականի վեց ամիսների ՀՀ ոստիկանության գործունեության արդյունքները»,- ասացին ոստիկանությունից:
Ըստ մամուլի հրապարակումների` նիստին ներկա է գտնվելու նաև ՀՀ նախագահ Սերժ Սարգսյանը, իսկ նիստը կարող է ավարտվել նշանակալի իրադարձությամբ: Զբաղեցրած պաշտոնից կարող է ազատվել Երևանի ոստիկանապետ Ներսիկ Նազարյանը կամ ենթարկվել սուր քննադատության: Հնարավոր պաշտոնանկության պատճառները դեռ հայտնի չեն:
