«Լեռնային Ղարաբաղի ընտրությունները կայացել են: Անցկացված արդար ընտրություններն ապացուցում են, որ Ղարաբաղի ժողովուրդն իրոք գնում է ժողովրդավարության ճանապարհով: Սա իսկական ժողովրդավորություն է»,- «Առաջին լրատվական»-ի հետ զրույցում ասաց Ռուսաստանի Դաշնության պետդումայի պատգամավոր Ալեքսանդր Բալբերովը, ով դիտորդական առաքելություն իրականացրեց ԼՂՀ նախագահի ընտրություններում: Նա ընդգծեց, որ ընտրություններին բնակչության ավելի քան 70 տոկոսի մասնակցությունն արդեն իսկ ժողովրդավարության հաստատման արդյունք է:
ՌԴ պետդումայի պատգամավորը նշեց, որ առաջին անգամ է Ղարաբաղում և շատ տպավորված է: «Ես տեսա, որ հանձնաժողովները շատ պատասխանատու է աշխատում, իսկ մարդիկ ժպտալով են գնում ընտրությունների: Այն, ինչ ես այսօր տեսա, զարմացրեց ինձ: Այս երկու օրերին ես տեսա մի երկիր, որը գործնականում վերականգնվել է ջախջախիչ պատերազմից հետո: Մենք այսօր տեսանք հերոսների շատ խնամված շիրմներ, այստեղ ամենուր հարգում է հերոսների հիշատակը»,- ասաց նա:
Ալեքսանդր Բալբերովին զարմացրել էր նաև այն, որ ընտրությունների օրը ոստիկանների կուտակումներ չի նկատել Արցախում.
«Մենք անգամ մի ոստիկան չտեսանք փողոցում: Միակ ոստիկանը, որին հանդիպեցինք, ընտրական տեղամասում հսկողություն իրականացնողն էր»:
Պետդումայի պատգամավորը նշեց, որ նախքան Ղարաբաղ այցելելը կարծում էր, թե մարդիկ այստեղ ստիպողաբար են ապրում, իսկ փողոցներում ամենուր կարելի է զինված անձանց հադիպել:
«Բայց ես դա այստեղ չտեսա, այստեղ բոլոր բավարարված են, երջանիկ, և դա շատ հաճելի է»,- ասաց նա:
