Սերժ Սարգսյանը երեկ հանդիպել Է «Ասիական զարգացման բանկ»-ի փոխնախագահ Սյաոյու ժաոյի հետ: Նախագահականն այդ հանդիպման մասին հաղորդագրություն Է տարածել, որ կողմերը կարևորել են համագործակցությունը, տարվող աշխատանքները և այլն, և այլն:
Ինչպես պնդում են «ժողովուրդ»-ի աղբյուրները, «Ասիական զարգացման բանկ»-ը դժգոհ է Հայաստանի իշխանություններից, որովհետև արդեն մեկ տարի է՝ չեն մեկնարկում այդ բանկի կողմից ֆինանսավորվող հյուսիս-հարավ մայրուղու կառուցման աշխատանքները: Նույնիսկ շշուկներ կան, որ իշխանություններն այդ գումարներն ուղղել են այլ ոլորտ: Ու հիմա փոխնախագահն անձամբ է ժամանել Երևան՝ տեղում պարզելու իրավիճակը: Չի բացառվում, որ իշխանությունների հանդեպ դժգոհության արդյունքում այս բանկը դադարեցնի իր համագործակցությունը:
Հիշեցնենք, որ նույն մայրուղու աշխատանքների տապալման համար Սերժ Սարգսյանը խիստ բարկացել է ՀՀ կապի և տրանսպորտի նախկին նախարար Մանուկ Վարդանյանի վրա` նրան արգելելով որևէ պաշտոն զբաղեցնել»:
