Facebook-ը նկարների միջերեսի նոր տարբերակ է ներկայացրել: Սոցիալական ցանցի օգտատերերը շուտով կարող են ավելի արագ ներբեռնել ավելի բարձր որակի նկարներ, ինչպես նաև պիտակելու նոր հնարավորություններ: Այս նորարարությունները հասանելի կլինեն առաջիկա շաբաթների ընթացքում:
Միաժամանակ Facebook-ում հայտնել են, որ հիմա սոցիալական ցանցում աշխատանքներ են ընթանում` հաղորդագրությունների ավելի հարմար համակարգ ստեղծելու համար: Այս համակարգի միջոցով հնարավոր է լինելու ուղարկել էլեկտրոնային փոստ, շփվել չաթում, sms հաղորդագրություն ուղարկել` օգտագործելով միևնույն պլատֆորմը: Սոցցանցի օգտատերերը կարող են գրանցել նաև @facebook.com-ով էլեկտրոնային հասցեներ: Այս մասին հաղորդում է Mashable.com կայքը:
Վերջերս Facebook-ը նոր հնարավորություններ էր ներկայացրել օգտատերերին` նորացնելով անձնական էջը: Ներկայացվել է նաև ընկերների սեփական խմբեր ստեղծելու, գործիքների ավելի կոմպակտ օգտագործման հնարավորություն: