«Ժողովուրդ»-ը գրում է, որ Իսպանիայում տնտեսական ճգնաժամի պատճառով թագավորական ընտանիքը կրճատել Է իր ծախսերը:
«Իսպանիայի թագավոր Խուան Կառլոս 1-ինը որոշում է կայացրել 7.1 %-ով կրճատել սեփական աշխատավարձը: Այսուհետ նա կստանա 222.592 եվրո՝ 20 հազար եվրո պակաս նախկին գումարից: 60 հազար եվրոյով կրճատվել է նաև թագուհի Սոֆյայի, արքայադուստրեր Քրիստինայի, Հելենայի և թագաժառանգ արքայազնի կնոջ՝ Լետիցիայի ընդհանուր ծախսերի չափը:
Հայաստանում, թերևս, դժվար է այս ամենը պատկերացնել: Ավելին, մեզանում տնտեսական ճգնաժամի տարիներին Սերժ Սարգսյանը, Հովիկ Աբրահամյանն ու Տիգրան Սարգսյանը ոչ միայն չկրճատեցին իրենց աշխատավարձերն ու ծախսերը, այլև այդ ընթացքում ավելացրին իրենց կուտակած կապիտալը»:
