«Կովկասը չպետք է միավորվի Ռուսաստանի, Թուրքիայի և Իրանի դեմ: Այդ գաղափարը պետք է ծառայի այդ երկրների հետ համագործակցությանը և ուղղված լինի տարածաշրջանում ԱՄՆ շահերի դեմ», Regnum-ին ասել է Ստամբուլի համալսարանի փորձագետ Մեհմեթ Փերինչեքը:
Նա շեշտել է , որ Անկարան դեմ կլինի Վրաստանի նախագահ Միխեիլ Սաակաշվիլիի «Միացյալ Կովկասի» գաղափարին, եթե պարզվի որ դա ամերիկյան խաղ է:
Փերինչեքը նաև հայտարարել է, որ Թուրքիան, անկախ այդ գաղափարի իրագործումից, կողմ է Հայաստանի հետ սահմանների բացմանը, եթե Երևանը հրաժարվի Թուրքիային առաջադրվող իր «նախապայմաններից»: