Բարաք Օբամայի կառավարությունը կտրականապես հրաժարվել է սիրիացի ապստամբներին ֆինանսական, ռազմական օգնություն ցույց տալ: Այս մասին գրում է բրիտանական The Daily Telegraph-ը:
Վաշինգտոնում սիրիական ընդդիմության ներկայացուցիչների խոսքերով` նրանք խնդրել են Սպիտակ տանը հավանության արժանացնել ընդդիմությանը հազար ականանետների, 500 անձնական ՀՀՊ համակարգերի, ինչպես նաև զրահաբաճկոնների, արբանյակային հեռախոսների և ընթացիկ գործունեության համար նախատեսված վեց միլիոն դոլարի մատակարարումը:
Չնայած ամերիկյան ղեկավարության ապստամբներին աջակցելու խոսքերին, այս բոլոր խնդրանքները մերժվել են:
«Մեզ հասկացրին, որ մինչ ԱՄՆ-ի նախագահական ընտրությունների ավարտը նման բանի նույնիսկ կարելի է չսպասել: Ավելին, թուրքերն ու քաթարցիները նույն կերպ են վարվում»,- հայտարարել է ընդդիմության ներկայացուցիչը:
Ըստ բրիտանական պարբերականի տեղեկատվության `
Սիրիական ընդդիմության լոբիստները Վաշինգտոնում հայտարարել են, որ ոչ ոք մինչ նախագահական ընտրությունները անգամ չի ցանկանում հպվել հերթական մերձավորարևելյան հակամարտությանը:
Նրանց խոսքերով` Վաշինգտոնում ապստամբներին աջակցելու ձգտումը զգալիորեն ցամաքել է, երբ պարզ է դարձել, որ Բաշար Ասադի հակառակորդների շարքերում բազմաթիվ ջիհադյան խմբավորումներ կան, որոնց համար ԱՄՆ ավելի պակաս թշնամի չէ, քան սիրիական ռեժիմը:
