Ամերիկացի կոնգրեսմեն Քրիս Վան Հոլլենը խնդրել է ԱՄՆ առողջապահության ու սոցիալական ապահովության նախարար Քեթլին Սիբելիուսին հետաքննություն անցկացնել, քանի որ նախարարության կազմի մեջ մտնող գերատեսչություններից մեկը հետևել է իր աշխատակիցներին: Այս մասին հայտնում է The New York Times-ը:
Համապատասխան նամակը Հոլլենը ուղարկել է նախարարին հուլիսի 16-ին: Բացի այդ` հենց այն գերատեսչությանը, որին բռնացրել են իր աշխատակիցներին հետևելու մեջ, սենատոր Չարլզ Գրեսլին նամակ է ուղարկել: Այս մասին հայտնում է The Washington Post-ը:
Սենատորին հայտնի է դարձել, որ Սննդամթերքի որակի ու դեղամիջոցների հսկողության վարչության (FDA) մի խումբ գիտնականների նկատմամբ հսկողություն է սահմանել հենց այդ գերատեսչության իրավաբանական բաժինը:
Գրեսլին ընդգծել է որ FDA-ի գործողությունները խոչընդոտել են, որպեսզի գերատեսչության աշխատակիցները հայտնեն ծախսերի, խարդախության ու այլ չարաշահումների մասին: Սենատորը պահանջել է հրապարակել այն չինովնիկի անունը, որը խնդրել է նման բան կատարել:
FDA-ի մամլո քարտուղար Էրիկա Ջեֆերսոնը հայտարարել է, որ գերատեսչությունը զբաղվում է այդ հարցով: Նրա խոսքով` հսկողությունը սահմանափակ բնույթ է կրել ու վերաբերել է միայն գերատեսչության համակարգիչներին:
