Thomas Cook զբոսաշրջային ընկերությունը կազմել է զբոսաշրջիկների քաշն ավելացնող հանգստավայրերի հիթ շքերթը: Առաջատարը Կիպրոսն է: Այս մասին հաղորդում է The Daily Mail-ը:
Զբոսաշրջիկների կազմվածքի համար վատագույն առողջարաններ ունեցող երկրների աղյուսակի երկրորդ հորիզոնականում Թուրքիան է: Եռյակը եզրափակում է Պորտուգալիան:
Գիրացման պատճառը Միջերկրականի առողջարանների առաջարկած սնունդն է: Կիպրոսում առաջարկում են քյաբաբ, ցացիկի և չիպսեր, որոնք դուր են գալիս զբոսաշրջիկներին, սակայն նրանք Կիպրոսի առողջարաններում 10-օրյա արձակուրդի ընթացքում իրենց քաշն ավելացնում են 1,5կգ-ով:
Թուրքիայում 10-օրյա արձակուրդի ընթացքում հանգստացողների միջին քաշն ավելանում է 1.3 կգ-ով, իսկ Պորտուգալիայում՝ փոքր-ինչ քիչ:
ԱՄՆ-ը, որը հայտնի է ֆասթ-ֆուդով և ճարպակալության աճող ճգնաժամով, աղյուսակի 4-րդ հորիզոնականում է: Զբոսաշրջային ընկերության համար անցկացված հարցումների որոշ մասնակիցներ պարզել են, որ որոշ երկրներում սնունդն ավելի էժան է, քան հայրենիքում, և դա ստիպում է նրանց ավելի հաճախ սնվել:
Այն երկրները, որոնք ստիպում են զբոսաշրջիկներին նիհարել, Իռլանդիան, Կանադան և Գերմանիան են: Այս երկրներից և ոչ մեկը հայտնի չէ շռայլ սննդով: Այնտեղ հեծանիվ վարելը զբոսաշրջիկներին ստիպում է նվազեցնել քաշը: