ՍԻՄ նախագահ Հայկ Բաբուխանյանի խոսքով, դեռ վաղ է խոսել այն մասին, թե կուսակցությունը ինչպես է մասնակցելու խորհրդարանական ընտրություններին: Ըստ կուսակցության և այլ սոցիոլոգների կատարած հարցումների` ՍԻՄ-ը ունի համախոհների մեծ բանակ և այս տարվա սկզբին 6-րդն էր առաջատար կուսակցությունների ցանկում: «ՍԻՄ-ը կհաշվարկի իր շանսերը ընտրություններից առաջ և կորոշի`միայնա՞կ մասնակցել խորհրդարանական ընտրություններին, թե՞ դաշինքով»,- հայտնում է Բաբուխանյանը:
ՀՌԱԿ ատենապետ Էդիկ Անտինյանի կարծիքով` լիբերալ-դեմոկրատական գաղափարախոսության խիստ կարիք կա այսօր: «Մենք տեսել ենք լիբերալիզմ, բայց չենք տեսել դեմոկրատիա»,- ասում է Անտինյանը: ՀՌԱԿ-ը ևս դեռ չի որոշել` միասին, թե դաշինքով է մասնակցելու առաջիկա ընտրություններին:
«Մենք հեղափոխության կողմնակից չենք»,- շեշտում է Անտինյանը: «Ընդդիմության շանսերը փոքրացել են 2008թ.-ից ի վեր, եթե իշխանությունը չկիսվի, ընդդիմությունը շանսեր չունի հաղթելու ընտրություններում»,- կարծիք է հայտնում Էդիկ Անտինյանը: