Իրաքում Սիրիայի նախկին դեսպան Նավաֆ Ֆարեսը Սիրիայի նախագահ Բաշար ալ-Ասադին մեղադրել է այն բանում, որ նա թույլ է տալիս ալ-Քաիդայի գրոհայիններին Սիրիայի տարածքից հարձակումներ իրականացնել Իրաքի վրա:
Ֆարեսն այս մասին հայտարարել է ալ-Ջազիրային տված հարցազրույցի ժամանակ` միևնույն ժամանակ քննադատելով Իրաքի վարչապետ Նուրի ալ-Մալիքիին:
Նախկին դեսպանի խոսքերով` ալ-Մալիքին խուսափում է միջամտել սիրիական ճգնաժամին, չնայած նա տեղյակ է Իրաքի դեմ ուղղված Ասադի անօրինական գործողություններին:
Նշենք, որ նախօրեին ֆրանսիայի նախագահ Ֆրանսուա Օլանդը Ռուսաստանին և Չինաստանին կոչ էր արել փոխել դիրքորոշումները Սիրիայի հանդեպ: Օլանդը կոչ էր արել երկու կողմերին սատարել Սիրիայի նախագահ Բաշար ալ-Ասադի դեմ ուղղված պատժամիջոցները:
