«Գործակալ 007»-ի` հայտնի Ջեյմս Բոնդի Aston Martin ավտոմեքենան Լոնդոնում կայացած աճուրդի ժամանակ վաճառվել է $4,1 մլն-ով: Այս մասին հաղորդում է Vedomosti-ն: Առաջին անգամ մեքենան հայտնվել է 1964թ.` հայտնի գործակալի մասին երրորդ ֆիլմում, երբ գլխավոր հերոսի դերը խաղում էր Շոն Քոնորին: Aston Martin DB5 մեքենան հայտնի էր նրանով, որ նստատեղերը կատապուլտի էին ենթարկվում, մեքենայի վրա տեղադրված էին գնդացիրներ: RM Auctions լոնդոնյան աճուրդային տան մասնագետները նախատեսում էին այդ մեքենայի համար ստանալ $5,5 մլն: Բացի մեքենայից` աճուրդի հաղթող Հարրի Յագգին ստացել է նաեւ Շոն Քոնորիի ինքնագրով լուսանկար, որի վրա պատկերված է մեքենան:
Այս մեքենան արտադրվել էր երկու օրինակով, սակայն դրանցից մեկը 1997թ. գողացվել է, եւ դեռ չեն հայտնաբերվել ո՛չ մեքենան, ո՛չ էլ գողերը:
