Չեխիայի ոստիկանությունը երեկ սկսել է գործարարներից մեկի տանից Ռենուարի և Պիկասոյի նկարների գողության գործի հետաքննությունը։ Այս մասին հաղորդում են Օլոմոուց քաղաքի լրատվամիջոցները՝ հղում կատարելով տեղի ոստիկանության մամուլի ծառայությանը։ Նկարների սեփականատերը գողացված կտավները գնահատել է 415 մլն կրոն կամ 21 մլն դոլար։
«Մենք փնտրում ենք նկարները։ Ոստիկանությունը տուժածի կողմից ստացել է համապատասխան փաստաթղթեր, և հիմա մենք գիտենք, թե ինչ տեսք ունի գողոնը»,- ասել են ոստիկանությունից։
Ներկայում գործում ներգրավվել են փորձագետներ, որոնց նպատակն է պարզել, թե արդյոք այդ կտավները պատկանե՞լ են վերոնշյալ հեղինակներին։