Ինչպես հաղորդում է պակիստանյան Aaj-TV հեռուստաալիքը, Պակիստանի Ռավալպինդի քաղաքի հակաահաբեկչական դատարանը շաբաթ օրը տվել է երկրի նախկին ղեկավար Փերվեզ Մուշարաֆին կալանավորելու թույլտվություն: Կալանքը պետք է իրականացվի մինչև փետրվարի 19-ը:
«Առաջին լրատվականը» փետրվարի 7-ին տեղեկացրել էր, որ Մուշարաֆը մեղադրյալի կարգավիճակում է հայտնվել Ռավալպինդի քաղաքի ոստիկանապետ Սաուդ Ազիզի ցուցմունքներից հետո: Ազիզին մեղադրանք է առաջադրվել Բհուտոյի անվտանգությունը պատշաճ կերպով չապահովելու համար, ինչը ապացուցել է մեղադրող կողմը, և նա այս գործում ներգրավվել է որպես մեղադրյալ:
Ըստ Ազիզի ցուցմունքների` Մուշարաֆը Բհուտոյի սպանությունից առաջ փոխել էր նրա անվտանգության պետին, իսկ սպանությունից հետո էլ պահանջել էր սպանության վայրը լվանալ` ապացույցները վերացնելու համար: Ազիզի ցուցմունքները հաստատել է նաև նրա տեղակալը:
Արդյունքում` դատարանը համաձայնել է մեղադրողի հետ և Մուշարաֆին գործում ներգարվել է որպես մեղադրյալ: