«Ոսկե ծիրան» Երևանի 9-րդ միջազգային կինոփառատոնի շրջանակներում մեկնարկել է «Ռեժիսորներ առանց սահմանների» համատեղ արտադրության ֆորումը, որն անցկացվում է հուլիսի 10-12-ը:
Ծրագիրը նպատակ ունի աջակցել տաղանդավոր կինոռեժիսորներին և կինոարտադրությանը/համատեղ կինոարտադրությանը Արևելյան գործընկերության երկրներում, մասնավորապես` Հայաստանում, Ադրբեջանում, Բելառուսում, Վրաստանում, Մոլդովայում և Ուկրաինայում:
Նախորդ 5 տարիներին ՌԱՍ ֆորում ներգրավել է ավելի քան 200 մասնակիցների: Ամեն տարի 12 անկախ նախագծեր են ներկայացվել ֆորումին և վերջիններիս ներկայացուցիչները հնարավորություն են ունեցել ստանալ ոլորտի մասնագետների հետ ինչպես անհատական, այնպես էլ խմբակային դասախոսությունները:
Համատեղ արտադրության ֆորումի 6-րդ մեկնարկը անկյունաքարային է ՌԱՍ նոր ծրագրի համար, որն իրականացվում է ԵՄ աջակցությամբ Արևելյան գործընկերության մշակութային ծրագրի միջոցով` «Ոսկե ծիրան» կինոյի զարգացման հիմնադրամի կողմից:
Ֆորումի առանցքային նպատակն է կառուցել միջսահմանային համագործակցություն Արևելյան գործընկերության տարածաշրջանի և Եվրամիության երկրների միջև: Այդ երկրների սկսնակ կինոգործիչները, ովքեր ներկայացրել են դեռևս զարգացման փուլում գտնվող լիամետրաժ խաղարկային ֆիլմերի ծրագրեր, մրցութային հիմունքներով հրավիրվել են մասնակցելու ՌԱՍ-ի եռօրյա ֆորում-դասընթացներին:
Ներկայացումները (pitchings) մրցութային են և լավագույն նախագիծը կարժանանա 5000 եվրո դրամական պարգևի: Եվս երկու դրամական պարգևներ 3,500 եվրոյի չափով կշներհվեն Արևելյան գործընկերության տարածաշրջանում հանդուրժողականությանն ու համընդհանուր սոցիալական խնդիրներին վերաբերող կինոնախագծերի հեղինակներին:
