«Հրապարակ»-ը գրում է, որ ԱԺ ազգընտիրները ուրբաթ օրը ԵԱՀԿ նախագահ Ռոմպոյի ելույթն ունկնդրում էին «թոփ» վիճակում՝ բառի ամենաուղիղ իմաստով:
«Նրանց բոլորի առջև դրված էին նոր «լափ-թոփեր»՝ «Ասեռ» ֆիրմայի: Աժ «հարվարդյան տղերքն» սկսեցին շատ արագ խորանալ-տնտղել` փորձելով հասկանալ ինչն ինչից հետո է: Իսկ գործարար-գեներալական խավը «մոտ չգնաց» դրանց, չզգաց Էլ, որ հսկա մոնիտորները փոխարինվել են առավել մոբիլ-ժամանակակից, իրենց աշխատանքը հեշտացնող տեխնիկայով:
Այս «ինտելեկտուալ» խավի անտարբերությունն ունի նաև մեկ այլ պատճառ՝ նոր համակարգիչները միացված չեն ինտերնետին, և սաունաներից, ռեստորաններից Աժ դահլիճ տարհանված ազգընտիրները չեն կարող այնտեղ «հետաքրքիր» ֆիլմեր, սայթեր, նկարներ դիտել: Ինտերնետի բացակայության պաշտոնական բացատրությունն այն է, որ վիրուսներ չգան: Հատկապես ինչ վիրուսներ՝ չասացին: Նոր համակարգիչներն Աժ «ինտելեկտուալներին» է տրամադրվել Համաշխարհային բանկի վարկային ծրագրով: Հները, ասացին, առայժմ պահեստավորված են, հետո կբաժանվեն ֆրակցիաներին ու աշխատակազմին»:
