«Առաջին լրատվական»-ը արդեն տեղեկացրել էր, որ երեկ լրացել է՝ հունիսի 17-ին «Հարսնաքար» ռեստորանային համալիրում դաժանաբար ծեծի ենթարկված և հունիսի 29-ին մահացած Կենտրոնական կլինիկական զինվորական հոսպիտալի ԼՕՌ բաժանմունքի ղեկավար, մայոր Վահե Ավետյանի մահվան յոթնօրեքը: Ոստիկանները երեկ աննախադեպ բռնի ուժ կիրառեցին «Հարսանքար» ռեստորանային համալիրում դաժան ծեծի ենթարկված և մահացած Վահե Ավետյանի հիշատակին կազմակերպված մոմավառություն մասնակիցներին:
Շուրջ տասնհինգ րոպե տևած ընդհարումից հետո ակցիայի մասնակիցները հավաքված են ռեստորանի ավտոկանգառից մի փոքր հեռու: Այնուհետև ոստիկանական բազմաթիվ խմբեր, բերետավորներ մոտեցան փողոցը փակածակցիայի մասնակիցներին և ծեծի ենթարկեցին նրանց: Ակցիայի բոլոր մասնակիցները վանկարկում են` «Նե-մեց, մար-դա-սպան»:
Ոստիկանությունից չստանալով թույլտվություն` մոտենալու«Հարսնաքարի» մուտքին և Վահե Ավետյանի մահվան պատճառ դարձած ծեծի վայրին, ակցիայի մասնակիցների միահամուռ որոշմամբ փակվեց ռեստորանի ճանապարհը:Ակցիայի մասնակիցներից մեկը ոստիկաններից մեկից պահանջեց ներկայացնել ոստիկանի վկայական, վերջինս չներկայացրեց:
Ակցիայի մասնակիցների նկատմամբ ուժ է կիրառվում: Բռնի ուժ կիրառելով`ոստիկանները բացեցին ճանապարհը: Այնուհետև մոմավառության մասնակիցները երթով շարժվել են Ռուբեն Հայրապետյանի տուն:
