Թայվանական HTC ընկերությունը, որը սմարթֆոններ արտադրող համաշխարհային առաջատար է, հայտարարել է, որ այս տարվա երկրորդ եռամսյակում կունենա վաճառքների 58 տոկոս անկում (248 մլն դոլար)։ Այս մասին հաղորդում է Bloomberg-ը։
HTC-ի ներկայացուցիչը հույս է հայտնել, որ այն նոր մոդելները, որոնք շուտով կհանվեն վաճառքի, թույլ կտան շտկել իրավիճակը և ֆինանսական լուրջ հոսքեր ապահովել ընկերության համար։
Մենք երեկ տեղեկացրել էինք, որ թայվանական ընկերության հիմնական մրցակիցներից մեկը՝ հարավկորեական Samsung-ը, ընդհակառակը` ապահովել է 6 մլրդ դոլարի եկամուտ, ինչը 8 տոկոսով ավելի է նախորդ տարվա նույն ժամանակահատվածում արձանագրված արդյունքից։
