ՄԱԿ գլխավոր քարտուղար Պան Գի Մունը ԱԽ-ին առաջարկել է Սիրիայում պահպանել դիտորդների առաքելությունը`նրանց ուշադրությունը սևեռելով քաղաքական երկխոսության վրա: Նման մտքեր շարադրված են զեկույցում, որը ՄԱԿ գլխավոր քարտուղարի կողմից ուղված է եղել ԱԽ 15 անդամ երկրների ներկայացուցիչներին:
«Սիրիայում կրակի դադարեցման ՄԱԿ դիտորդական առաքելությունը կարող է իրականացնել ռազմական մոնիթորինգ արդյունավետ և որոնողական խնդիրների իրականացման համար, եթե ներկայիս պայամնները չփոխվեն»,-ասվում է զեկույցում, գրում է Ria Novosti-ն:
Զինվորական դիտորդները ապրիլին երեք ամսով ուղարկվել էին Սիրիա, որպեսզի հետևեին ընդդիմության և կառավարական զորքերի միջև մարտական գործողությունների դադարեցմանը: Այժմ մինչև հուլիսի 20-ը ՄԱԿ ԱԽ-ն պետք է որոշում կայացնի 300 անդամից կազմված դիտորդական առաքելության ճակատագրի առնչությամբ:
Խոսելով առաքելության խնդիրների մասին՝ Պան Գի Մունը նշել է. ««Միջնորդական ծառայությունները» պետք է ուղղված լինեն հակամարտող կողմերի միջև երկխոսության ստեղծմանը, նրանց միջև տեղական մակարդակով պայմանավորվածության ձեռքբերմանը, լարվածությունը քչացնելուն, հրադադարին ու կայունությանը նպաստելուն»:
