Անգլիայի Փիզդաուն Սենթ Ջոն գյուղում սրտառուչ դեպք է տեղի ունեցել. Բարեբախտաբար, այն ճակատագրական հետևանքներ չի ունեցել: Ինչպես տեղեկացնում է The Daily Telegraph-ը, մատիտը մտել է 2 տարեկան երեխայի ակնախոռոչը: Ռենտգեն պատկերից պարզվել է, որ այն հասել է երեխայի ուղեղին և ընդամենը 1 մմ հեռավորության վրա է գտնվել խոշոր արյունատար անոթից:
Ռեն Բոուելը պատրաստվում էր քնել, երբ վայր է ընկել: Փոքրիկին վնաս է հասցրել նրա իսկ ձեռքում եղած մատիտը: Նրան անմիջապես տեղափոխել են Բրիսթոլ քաղաքի Frenchay հիվանդանոց, որտեղ նյարդավիրաբույժները 4 ժամ տևողությամբ վիրահատական միջամտություն են ցուցաբերել: Նրա գլուխը վիրահատել են, որպեսզի կարողանան դուրս բերել մատիտը:
Բուժանձնակազմը ուրախությամբ նշում է, որ երեխան հրաշքով փկվել է: Եթե մատիտը դիպչեր արյունատար անոթին, ապա միջադեպը մահով կավարտվեր:
Դեպքը տեղի է ունեցել մարտին, սակայն երեխան մինչև ապրիլ հիվանդանոցում է գտնվել:
