Հարավկորեական Samsung ընկերությունը, որը մասնագիտացած է էլեկտրոնային սարքերի արտադրության մեջ, հայտարարել է, որ մոտ 6 մլրդ դոլարի շահույթ է ակնկալում 2012թ.-ի ապրիլ-հունիս ամիսների համար, ինչը 8 տոկոսով ավելին կլինի, քան նույն արդյունքն անցած տարվա նույն ժամանակահատվածում։ Այս մասին հաղորդում է BBC-ն։
Կանխատեսումների համաձայն` էլեկտրոնային սարքերի արտադրության ոլորտի առաջատարն ուժեղացրել է դիրքերը սմարթֆոնների շուկայում` համեմատած Apple-ի և Nokia-ի հետ, որոնք հարավկորեական ընկերության հիմնական մրցակիցներն են։ Սա նշանակում է, որ շատ մոտ ապագայում մրցակիցները ստիպված են լինելու իջեցնել իրենց արտադրանքի գները՝ մրցակցությանը դիմանալու համար։
Samsung-ի վաճառքների ավելացումը կապում են Galaxy շարքի սարքերի վաճառքի կտրուկ աճի հետ։
