ԱՄՆ ռազմաօդային ուժերը առաջին անգամ անցկացրել են A-10 Thunderbolt II գրոհային ինքնաթիռի փորձարկումը «ալկոհոլային» վառելիքի հիման վրա: Այս մասին հայտնում է Defence Talk-ը:
Այդ վառելիքը ԱՄՆ-ում հայտնի է որպես ATJ, Alcohol To Jet: Փորձարկումների ընթացքում ինքնաթիռի մեջ լցվել է վառելիքային խառնուրդ ATJ-ից ու ստանդարտ ավիացիոն JP-8 վառելիք: Ինքնաթիռի օդաչու, մայոր Օլիվիա Էլիոթի խոսքով` A-10-ը օդում այնպես էր իրեն զգում, կարծես լիցքավորված լիներ սովորական վառելիքով:
A-10-ի փորձարկումը իրականացվում է ԱՄՆ ռազմաօդային ուժերի ծրագրի շրջանակում, ըստ որի` բոլոր թռչող սարքերը պետք է անցում կատարեն այլընտրանքային վառելիքի:
ATJ-ն ստեղծվում է շաքարի, թղթի, բույսերի և այլ բուսական նյութերի հիման վրա, որտեղ պարունակվում են շատ մանրաթելեր: Այնուհետ ստացված շաքարը ֆերմենտավորվում է ալկոհոլի մեջ, որը հետո անցնում է հիդրոմաքրման փուլ:
Դրա արդյունքում ստեղծված վառելիքը ներկայումս կարելի է օգատագործել JP-8 սնադարտ ավիացիոն վառելիքի փոխարեն:
Ինչպես հաղորդում է Denver Post-ը, ԱՄՆ ռազմաօդային ուժերի համար ATJ է արտադրում ամերիկայան Gevo ընկերությունը: