Newsru-ն, հղում անելով The New York Times թերթին, հայտնում է, որ ԱՄՆ-ը եւ դաշնակիցները նոր պայմանագիր են մշակում իրանական ուրանի վերաբերյալ: Վաշինգտոնում համոզված են, որ Թեհրանն այդ պայմանագիրը կմերժի: Բայց դրանով Օբաման ցույց կտա, որ օգտագործում է երկխոսության գնալու բոլոր հնարավորությունները:
Նոր պայմանագիրը ենթադրում է, որ Իրանը պետք է 1995 կգ ցածր հարստացման ենթարկված ուրանը տեղափոխի այլ երկրներ` այնտեղ հետագա հարստացումն իրակացնելու համար: Նախկին պայմանագիրը վերաբերում էր 1200 կգ-ին, ինչը վկայում է, որ վերջին շրջանում Իրանի հնարավորություններն աճել են:
Պայմանագրով Իրանը պետք է դադարեցնի բոլոր տեսակի հարստացման գործընթացները:
Սա, ըստ ամերիկյան կողմի, լավ փորձաքար կլինի, թե որքանով են պատժամիջոցներն ազդում իրանական կողմի վրա: Իրանցիները դեռ չեն մեկնաբանել այս տեղեկությունները: