Այսօր Ազգային ժողովը, հիմք ընդունելով ԱԺ կանոնակարգի 97-րդ հոդվածի 6/բ կետի պահանջների կամային մեկնաբանությունը ԱԺ նախագահի կողմից, «ընդունեց» ՄԻՊ հրաժարականը:
Այդ կապակցությամբ հայտարարում ենք`
1. հիշյալ իրավական նորմը միայն հնարավորություն է տալիս ՄԻՊ հրաժարականի քննարկման համար,
2. նույն հոդվածի 8-րդ կետի պահանջների համաձայն (տե′ս Հ.Գ.), ԱԺ-ն, իր կանոնակարգի 55-րդ հոդվածի 4-րդ կետի պահանջների համաձայն, պարտավոր էր քննարկել և գաղտնի քվեարկությամբ որոշում ընդունել ՄԻՊ հրաժարականի վերաբերյալ: Ինչը և՛ տրամաբանական է, և՛ իրավական:
Հույս ենք հայտնում, որ գոնե ՄԱԿ մարդու իրավունքների գլխավոր հանձնակատարը միջոցներ կձեռնարկի օրինականացնելու «100 տարին մեկ» պաշտոնի առաջարկություն ստացածի նշանակումն իր ներկայացուցչի պաշտոնում:
Հ.Գ.– Հոդված97. Պաշտոնում ընտրելու, նշանակելու, պաշտոնատար անձի հրաժարականի և լիազորությունների վաղաժամկետ դադարեցման կամ պաշտոնանկության մասին հարցերի քննարկումը, Ազգային ժողովի կողմից պաշտոնում ընտրությունը, նշանակումը, ինչպես նաև պաշտոնատար անձի հրաժարականն ընդունելու և նրա լիազորությունները վաղաժամկետ դադարեցնելու(պաշտոնանկ անելու) մասին Ազգային ժողովի որոշումներն ընդունվում են գաղտնի քվեարկությամբ:
«Ընդդեմ ՀՀԿ ապօրինությունների» համահայկական կոմիտե
