Քաղաքագետ Արմեն Գրիգորյանն «Առաջին լրատվական»-ի հետ զրույցում, մեկնաբանելով ՀԱԿ-ի կողմից ոչ կոալիցիոն քաղաքական ուժերի սատարման մասին հայտարարությունն, ասաց. «Տարբեր բնակավայրերում փոխադարձ օգնություն եթե լինի, այդտեղ կարող է ինչ-որ արդյունք լինել, իսկ միակողմանի չեմ պատկերացնում պարզապես։ Եվ համամասնությունը չեմ կարող ասել, թե ով մյուսին ավելի շատ կօգնի»։
Մեր այն հարցին, թե ոչ կոալիցիոն քաղաքական ուժերի միավորումը ինչպես է գնահատում, քաղաքագետը նշեց, որ այդտեղ դրական զարգացում չի տեսնում․ «ԲՀԿ-ի ընդդիմադիր կեցվածքի վերաբերյալ ես ուղղակի հավատ չունեմ և շատ սկեպտիկ եմ տրամադրված»։ «Ասել է, թե նույն սկեպտիցիզմը տարածվում է նաև ՀԱԿ-ի՞ վրա, եթե նկատի ունենանք նրանց որդեգրած համագործակցությունը» հարցին Ա. Գրիգորյանը պատասխանեց. «Ոչ, ուղղակի այստեղ սխալ հաշվարկի խնդիր եմ տեսնում՝ ՀԱԿ-ի կողմից, հնարավոր է՝ սխալ հաշվարկ է տեղի ունենում»։
