Երեկ մահացել է Արգենտինայի նախկին նախագահ եւ ներկայիս նախագահ Քրիստինա Քիշների ամուսինը` Նեստոր Քիշները: Նա սրտի հետ խնդիրներ է ունեցել: Նրան չորեքշաբթի առավոտյան շտապ տեղափոխել են հիվանդանոց, քանի որ վատ է զգացել: Սակայն նրան չեն կարողացել փրկել, նա մահացել է սրտի կանգից: Սա նրա 5-րդ հոսպիտալացումն էր 2004 թվականից ի վեր, երբ առաջին անգամ սրտի հետ կապված խնդրի պատճառով տեղափոխվել էր հիվանդանոց:
60-ամյա Նեստոր Քիշները իշխող կուսակցության ղեկավարն էր, իսկ մայիսին ընտրվել էր Հարավային Ամերիկայի երկրների կազմակերպության նախագահ: 2003թ. Քիշները երկրի նախագահն էր: 2007թ. նրան փոխարինել է կինը` Քրիստինան:
Նեստոր Քիշների մահվան կապակցությամբ Բրազիլիայում եւ Վենեսուելայում սուգ է հայտարարվել:
