Ամեն տարի սեպտեմբեր ամսին դպրոց իրենց մուտքն են տոնում հազարավոր երեխաներ: Այս տարի նախատեսվում է, որ հանրապետության դպրոցներ մուտք կգործի 37116 աշակերտ: Այս մասին «Առաջին լրատվական»-ին տեղեկացրեցին Կրթության և գիտության նախարարության հասարակայնության հետ կապերի բաժնից:
Նախարարության աշխատակցուհին ասաց, որ սա առաջին դասարանցիների նախատեսվող թիվն է: «Առաջին դասարանցիների հստակ թվաքանակը և պատկերը պարզ կլինի հենց սեպտեմբերի առաջին օրերին»,- ասացին նախարարությունից:
Հիշեցնենք, որ նախորդ տարի իրենց դպրոցամուտն էին տոնել շուրջ 36051 երեխաներ:
