Business Грузия-ի փոխանցմամբ՝ այս տարվա առաջին հունվար-մայիս ամիսներին ԵՄ-ի երկրների հետ Վրաստանի արտաքին առևտրի ծավալը կազմել է 1138 միլիոն դոլար, ինչը 34 տոկոսով ավելին է՝ համեմատած նախորդ տարվա միևնույն ժամանակահատվածի հետ: Այս մասին են վկայում վիճակագրական տվյալները:
Այդ ցուցանիշից 175 միլիոն դոլարը (19 տոկոսանոց աճ) բաժին է ընկել արտահանմանը, իսկ 963 միլիոն դոլարը (37 տոկոսանոց աճ)՝ ներկրմանը: Վրաստանի ողջ արտաքին առևտրում ԵՄ երկրների մասնաբաժինը կազմել է 28 տոկոս, այդ թվում նաև արտահանումը՝ 18 տոկոս, իսկ ներկրումը՝ 31 տոկոս (2011 թվականի առաջին 5 ամիսներին՝ համապատասխանաբար՝ 25, 17 և 28 տոկոս):
2012 թվականի հունվար-մայիս ամիսներին Վրաստանի ողջ արտաքին առևտրի ծավալը կազմել է 4059 միլիոն դոլար:
