Միջազգային վարկանշային Fitch գործակալությունն այսօր հայտարարել է Կիպրոսի Հանրապետության երկարաժամկետ վարկային վարկանիշը նվազեցնելու մասին` ВВВ- ից մինչև ВВ+: Այս մասին հայտնում է ITAR-TASS-ը:
Կիպրոսի համար կանխատեսումը մնացել է բացասական, ինչը նշանակում է վարկանիշի հետագա նվազեցում:
Այդ եղանակով, հետևելով մյուս վարկանշային գործակալություններին` Moody’s-ին ու Standard & Poor’s-ին, Fitch-ը հանրապետության վարկանիշը հավասարեցրել է «աղբի» աստիճանի:
Գործակալությունների վերլուծաբանների հաղորդմամբ` վարկանիշի իջեցումը արտացոլում է այն միջոցների մեծացումը, որը, ըստ Fitch-ի, անհրաժեշտ կլինի կիպրոսյան բանկերին երկրի սուվերեն վարկանիշի վերջին, 2012թ. հունվարին անցկացված անալիզի համար:
Հաշվի առնելով, որ բանկերին օգնության արժեքը կարող է հասնել 6 մլրդ եվրոյի, Կիպրոսի պետական պարտքը հնարավոր է` գերազանցի ՀՆԱ-ի 100 տոկոսը:
Ներկայում Կիպրոսի ղեկավարությունը դիտարկում է ԵՄ ֆինանսական օգնություն խնդրելու հավանականությունը, ինչպես նաև բանակցություններ է վարում ԵՄ մեջ չմտնող երկրների, որոշ տեղեկությունների համաձայն` Ռուսաստանի ու Չինաստանի հետ:
