Սաուդյան Արաբիան առաջին անգամ իր մարզուհիներին թույլատրել է հանդես գալ Օլիմպիական խաղերում: Այս մասին հայտնում է BBC News-ը:
Համապատասխան հայտարարությամբ հունիսի 24-ին հանդես է եկել Մեծ Բրիտանիայում Սաուդյան Արաբիայի դեսպանատունը:
Ավելի վաղ կոչեր էին հնչում՝ թույլ չտալ Սաուդյան Արաբիային մասնակցել Լոնդոնում կայանալիք խաղերին` որպես բողոքի նշան սեռային խտրականության դեմ:
Սաուդյան Արաբիայի ազգային օլիմպիական կոմիտեի ներկայացուցիչները հայտնել են, որ հիմա հայտնի է միայն մեկ մարզուհու մասին, որը կմտնի հավաքական: Խոսքը Դալմա Ռուշդի Մալխասի մասին է, որը 2010 թ. պատանեկան Օլիմպիադայի ժամանակ բրոնզ էր նվաճել: Սակայն նրանք չեն բացառել, որ հավաքականում կընդգրկվեն այլն մարզուհիներ ևս:
Օլիմպիադայում նրանք հանդես կգան հագուստով, որը «կպահպանի նրանց արժանապատվությունը»` ազատ, մարմինը չըդգրկող կիպ հագուստով ու «մարզական հիջաբով», որը կծածկի նրանց վարսերը, սակայն երեսը բաց կլինի:
Սաուդյան Արաբիայում շատ պահպանողական իսլամիստներ կտրականապես հանդես են գալիս մրցույթներին կանանց մասնակցության դեմ:
Ինչպես հաղորդում է BBC News-ը, մարզուհիներին ազգային հավաքական ընդգրկելու որոշումը կայացվել է գաղտնի բանակցությունների արդյունքում, որոնց մասնակցել է երկրի թագավորը, գահաժառանգ արքայազնը, ԱԳՆ ղեկավարը, ինչպես նաև ազդեցիկ կրոնական գործիչներ և Սաուդյան Արաբիայի գլխավոր մուֆթին:
