Ամերիկյան Walt Disney Company-ին, որը զվարճանքների բնագավառում աշխարհի խոշորագույն ընկերություններից է, նորածինների շրջանում նոր հաճախորդների ներգրավման ծրագիր է սկսել:
Ինչպես հայտնում է The New York Times-ը, Disney Baby ծրագրի շրջանակներում, որը սկսվել է հունվարի վերջերից ԱՄՆ 580 ծննդաբերական հիվանդանոցներում, ընկերության ներկայացուցիչները նորաթուխ մայրերին անվճար առաջարկում են նորածնի շորերի կոմպլեկտ Disney Cuddly Bodysuit շարքից:
Մոր հետ շփման ժամանակ, ընկերության ներկայացուցիչը, որը անգլերենից բացի կարողանում է խոսել նաև իսպաներենով, պատմում է ընկերության տարբեր ապրանքանիշերի մասին և խնդրում է գրանցվել ընկերության DisneyBaby.com կայքում նորությունների մասին տեղեկություններն անվճար իմանալու համար:
Մանուկների համար ապրանքատեսակների շուկան, այդ թվում նաև մանկական կերակուրը, միայն Հյուսիսային Ամերիկայում ամեն տարի գերազանցում է 36մլրդ դոլարը: Disney-ը, որն ամբողջ աշխարհում հայտնի է իր անիմացիոն ֆիլմերով, չի թաքցնում, որ կցանկանար մեծացնել իր տեսակարար կշիռը այս ոլորտում:
Disney-ն արդեն հիմա նորածինների համար արտադրում է «Առյուծ արքա» մուլտֆիլմի հերոսների նկարներով շորեր: Մոտ ժամանակները կսկսվի մանկասայլակների, լոգարանային իրերի և Disney ապրանքանիշով մանուկների կերակրի արտադրություն:
Walt Disney-ի մաքուր եկամուտը, որի մեջ մտնում են ESPN, ABC Family և Disney Channel հեռուստաալիքները, ինչպես նաև զվարճանքի մի քանի կենտրոններ հոկտեմբերի 2-ին ավարտված եռամսյակում ընկել էր 6,7%-ով` հասնելով 835մլն դոլարի, կամ 43 ցենտ ամեն ակցիայի համար: նախորդ տարվա նույն ժամանակահատվածի թվերը եղել են 895մլն դոլար և 47 ցենտ համեմատաբար:
