Գիշերային ժամերին արհեստական լույսի չափազանց ազդեցությունը, այդ թվում նաև համակարգչի էկրանների և այլ էլեկտրական սարքերի լույսը, կարող է հանգեցնել երեխաների և դեռահասների քնի խախտման, ինչպես նաև մեծացնում է քաղցկեղի առաջացման ռիսկը: Այս եզրակացությանն են հանգել Ամերիկյան բժշկական ասոցիացիայի փորձագետները: Այդ կերպ ասոցիացիան սկսել է լույսի ազդեցության, ինչպես նաև լուսավորման նոր տեխնոլոգիաների ուսումնասիրությունը, որոնք կկրճատեն վատ ազդեցությունը:
Նույնը վերաբերում է նաև գիշերով ավտոմեքենա վարելուն: Երբ մարդը ավտոմեքենա է վարում գիշերը, դա համեմատական է կիսափակ աչքերով վարելուն: Կենդանիների հետազոտությունները ցույց են տալիս, որ լույսի ազդեցությունը 24 ժամվա ընթացքում զգալիորեն մեծացնում է մի քանի տեսակ քաղցկեղի առաջացման ռիսկը: Մարդու վրա գիշերային լույսի ազդեցության հետազոտությունները կապված են կաթնագեղձի քաղցկեղի առաջացման հետ:
Այսպես, որոշ ժամանակ առաջ գիշերային հերթափոխի աշխատողներն արդեն ընդգրկվել էին բարձր ռիսկային խմբում: Իսկ մի շարք այլ հետազոտություններ ցույց են տալիս, որ գիշերային ժամերին լույսի ազդեցությունը կարող է հանգեցնել քաշի ավելացման, սակայն անհրաժեշտ են լրացուցիչ հետազոտոթյուններ, որոնք կհաստատեն այս տեսությունը, հաղորդում է Raut.ru-ն:
