Սիրիական սահմանապահները ոչնչացրել են ահաբեկիչներին, որոնք փորձել են ներթափանցել Թուրքիայի տարածքից, հաղորդում է Reuters-ը` հղում անելով սիրիական ԶԼՄ-ներին:
Մի խումբ ահաբեկիչների ոչնչացնելու լուրը ստացվել է Դամասկոսի և Անկարայի միջև ստեղծված լարվածության ֆոնի վրա` կապված թուրքական մարտական ինքնաթիռի սիրիական ռազմաօդային ուժերի կողմից ինքնաթիռի հետ:
Հիշեցնենք, որ հունիսի 22-ին թուրքական բանակի գլխավոր շտաբը հաղորդել էր, որ Թուրքիայի ռազմաօդային ուժերի F-4 Phantom կործանիչը, որը թռել էր երկրի հարավարևելյան Մալաթիա նահանգի «Էրխաչ» ավիաբազայից, ռադարների էկրանից անհետացել էր Միջերկրական ծովի օդային տարածքում: Տեղի ԶԼՄ-ները հաղորդել էին, որ երկու օդաչուներն էլ ողջ են գտնվել Սիրիայի ափից 8 մղոն հեռավորության վրա:
Իր հերթին, Թուրքիայի վարչապետ Ռեջեփ Թայիփ Էրդողանը հայտարարել էր, որ Թուրքիան, «ի պատասխան, լուրջ միջոցներ կձեռնարկի»: Կոնկրետ քայլերի մասին, որ մտադիր է անել Անկարան, չի հաղորդվում:
