Corriere dello Sport-ի տեղեկացմամբ` «Յուվենթուս»-ի ղեկավարությունը պատրաստվում է մեգաառաջարկ անել «Նապոլի»-ին Էդիսոն Կավանիի տրանսֆերի ձեռքբերման վերաբերյալ:
«Ծեր սինյորան» պատրաստ է ուրուգվայցի ֆուտբոլիստի իրավունքների դիմաց զիջել Սեբաստյան Ջովինկոյի, Ալեսանդրո Մատայի տրանսֆերները և վճարել 20 մլն եվրո: Նման կերպ «Յուվենթուս»-ը ցանկանում է լրացնել 70 մլն եվրո գումարը, որը Էդիսոնի տրանսֆերի վաճառքի դիմաց պահանջում է «Նապոլի»-ի նախագահ Աուրելիո Դե Լաուրենտիսը:
Հիշեցնենք, որ ներկայումս «բյանկոներիները» հարձակվողի կարիք ունեն, և Կավանին Իտալիայի գործող չեմպիոնների հիմնական տրանսֆերային նպատակն է: Հաղորդվում է, որ «Յուվենթուս»-ը հետաքրքրվում է նաև Լուիս Սուարեսի ծառայություններով:
