Ռուսական ВЗГЛЯД թերթի փոխանցմամբ՝ վրացի ընդդիմադիր միլիարդատեր, «Վրացական երազանք» քաղաքական կոալիցիայի առաջնորդ Բիձինա Իվանիշվիլին լրագրողների հետ զրույցում հայտարարել է, որ Ռուսաստանում եղած իր ունեցվածքը կազմել է իր ողջ ունեցվածքի 1/3-ը և ներկայումս գործնականում վաճառել է իր բոլոր ռուսական ակտիվները.
«Վաղուց ես որևէ մասնաբաժին չունեմ «Գազպրոմում»: Ինչ վերաբերում է ռուսական մնացյալ ակտիվներին, ապա ես վաճառել եմ դրանց 90 տոկոսը: Մնացել է վաճառեմ գյուղատնտեսական ընկերությունը: Արդեն իսկ հայտնվել է երկու գնորդ: Կարծում եմ, որ շուտով դա էլ կվաճառեմ:
Ես Ռուսաստանում չեմ եղել 10 տարի, վաճառում եմ այնտեղ ունեցածս ակտիվները, սակայն Վրաստանի իշխանություններն ու նրանց լրատվամիջոցները շարունակ ինձ կապում են Ռուսաստանի հետ: Նրանք իմ դեմ որևէ ասելիք չունեն: Ինչ վերաբերում է ողջ երկրով մեկ Global TV-ի արբանյակային ալեհավաքների հավաքմանը, ապա դա անողները ցանկանում են, որ երկրում հեռարձակվեն միայն իշխանամետ ալիքները:
Իշխանությունները հիստերիայի մեջ են և տեռոր են ցանկանում, սակայն դա չի ստացվի: Չնայած նրանց գործադրած այդ ջանքերին, ընդդիմությունը հաղթելու է հոկտեմբերին տեղի ունենալիք խորհրդարանական ընտրություններում»:
Հիշեցնենք, որ Forbes-ը Բիձինա Իվանիշվիլիի ունեցվածքը գնահատել է 6.4 միլիարդ դոլար:
