«Մուսուլման եղբայրներ» խմբավորման թեկնածու Մուհամմեդ Մուրսին հայտարարել է, որ իր կողմնակիցները թույլ չեն տա կեղծել քվեարկության արդյունքները։ Այս մասին գրում է rosbalt.ru-ն:
«Մենք որևէ մեկին թույլ չենք տա խաղալ քվեարկության արդյունքների հետ, և մենք ճնշում կգործադրենք Գերագույն հանձնաժողովի վրա, որպեսզի հնարավորինս շուտ հրապարակի արդյունքները: Դրանք բոլորը կեղծ ասեկոսեներ են: Եվ մենք խնդիրներ չունենք զինված ուժերի հետ»,- ասել է Մուրսին, ում խոսքերը մեջբերում են համացանցային ԶԼՄ-ները:
Ավելի վաղ հաղորդվում էր, որ ԳԸՀ–ն ավարտել է թեկնածուների կողմից ներկայացված բոլոր խախտումների դիտարկումը և արդեն շաբաթ օրը կարող է հայտարարել արդյունքները:
Հիշեցնենք, որ ավելի վաղ հանձնաժողովը հայտարարել էր, որ Եգիպտոսի նախագահական ընտրություններում հաղթողի անունը հրապարակելն անորոշ ժամկետով հետաձգվել է:
