Իսրայելի ռազմաօդային ուժերը Գազայի հատվածում օդային հարված են հասցրել: Սկզբում այդ մասին հայտնել են ՀԱՄԱՍ–ի աղբյուրները, ապա տեղեկությունը հաստատել է ՑԱԽԱԼ–ի պաշտոնական ներկայացուցիչը:
Ինչպես հաղորդում է MIGnews.com-ը, ՀԱՄԱՍ–ը հայտնում է մեկ սպանված գրոհայինի մասին, ՑԱԽԱԼ–ը նշում է, որ հստակ հարված է հասցվել ահաբեկչական բջջին, որը հրթիռներ էր պատրաստվում թողարկել:
Հիշեցնենք, որ ավելի վաղ հաղորդվում էր, որ ՄԱԿ-ում Իսրայելի ներկայացուցիչ Ռոն Պրոսորը բողոք է ներկայացրել ԱԽ `Գազայի հատվածի իսրայելական տարածքի հրթիռային անդադար հարձակումների առնչությամբ: Այսօր առավոտյան Պրոսորը, մեկնաբանելով իր դիմումը, ընդգծել է, որ ստեղծված իրադրությունն անթույլատրելի է: Նրա խոսքերով՝ միջազգային հանրությունը պետք է գնահատի պաղեստինյան ՀԱՄԱՍ ահաբեկչական կազմակերպության գործողությունները, որը վերահսկում է Գազայի հատվածը:
Պրոսորը հավելել է, որ ՀԱՄԱՍ–ի գորհայիններն իրենց վրա են վերցրել Իսրայելի տարածքի հարձակումները:
Բացի այդ, դիվանագետը հասկացրել է, որ Իսրայելի համբերությունն անսպառ չէ: Նշվում է, որ հրթիռային հարձակումների շարունակվելու դեպքում իսրայելցիները կարող են ավելի խիստ միջոցների դիմել:
